Fotaq Andrea

Projekt-botim i përgatitur nën kujdesin dhe drejtimin e Profesor Francesko Altimarit, drejtor i Departamentit të gjuhës shqipe dhe të Seksionit të albanologjisë në Universitetin e Kozencës.

Kjo Antologji, që mendohet të jepet së shpejti për botim, ka rreth 550 faqe format të madh dhe përmban shkrime nga 73 autorë francezë, të ilustruara me rreth 360 gravura e foto të vjetra, në shumicën e tyre botuar për herë të parë. Përfshihen në të Udhëpërshkrime, Portrete, Letërsi, Art e Kulturë. Është e ndarë në tre pjesë.

“Periudha skënderbejane dhe ngulimet e para të Shqiptarëve në Itali”, rreth 60 faqe, shërben si një prelud për krejt veprën, dhe 4 tekstet e parë pasqyrojnë drejtpërdrejt figurën e Skënderbeut në Itali, si pika thelbësore e kontaktit arbëresh me Italinë. Përfshihen këtu veç episodeve të Skënderbeut në Itali dhe episode pas vdekjes së Heroit, dhe dalin në pah figura të ndryshme luftarake që filluan të veprojnë në Itali e në Europë (Gjoni i ri, Skënderbeu i ri, Mërkur Bua, Gjergj Basta, stradiotët, etj), por edhe mjaft figura të ndritura sidomos në fushën e artit e kulturës, emra të njohur në rrafsh europian, si piktorët e famshëm shqiptarë Alban e Marko Bazaiti, krahas eruditit Leonik Tomeu, Papa Klementit XI, Kardinal Albanit, etj. etj.

Po bashkëngjisim këtu dy tekste nga të parat që hapin Antologjinë dhe që bëjnë një portretizim të veçantë të Heroit tonë kombëtar.

PDF dokument